ସାତ ଦିନ ଗଲା ନାହିଁ ଭରସା⁣

ଲାଗି ରହିଅଛି ଝଡ଼ି ବରଷା ।⁣

ଆହାର ପାଇଁ,⁣

ଯାଇ ପାରି ନାହିଁ ବାଇଚଢେଇ ।l୧ll⁣

ଦୁଇ ଛୁଆ ତା'ର ବସାରେ ଦୋଳି⁣

ଭୋକ ଉପାସରେ କରିଲେ ଅଳି -⁣

"ବୋଉ ଲୋ ବୋଉ !⁣

ଖାଇବାକୁ ସତେ କିଆଁ ନ ଦେଉ ?" II9ll⁣

କଅଁଳ ବିକଳ ମୁହଁକୁ ଚାହିଁ⁣

ବୁଝାଇ କହିଲା ବାଇଚଢ଼େଇ⁣

"ଅଥୟ ନୁହ,⁣

ମେଘ ଯାଉ ଛାଡ଼ି ଟିକିଏ ରୁହ ।l୩ll⁣

ମାଟି ତଳେ ଅଛି ପିମ୍ପୁଡ଼ି ମାମୁଁ⁣

ରଖୁଅଛି ଖୁଦ ବହୁତ ଦିନୁ⁣

ତୁମରି ଲାଗି,⁣

ଖୁଦରୁ କିଛି ମୁଁ ଆଣିବି ମାଗି" Il୪Il⁣

ବରଷା ଟିକିଏ ଗଲାରୁ ଛାଡ଼ି⁣

ଖୁଦ ପାଇଁ ମାଆ ଗଲା ବାହାରି⁣

ଡାକିଲା ଯାଇ,⁣

"ଖୁଦ ଦିଅ ଅଛି କିଛି ପିମ୍ପୁଡ଼ି ଭାଇ।l୫ll⁣

ସାତ ଦିନ ଗଲା, ନାହିଁ ଭରସା⁣

ଲାଗି ରହିଅଛି ଝଡି ବରଷା⁣

ପିଲାଏ ମୋର,⁣

ଭୋକରେ ହେଲେଣି ଅଥୟ ବଡ଼"।l୬ll⁣

ପିମ୍ପୁଡ଼ି କହିଲା, “ବାଇଚଢ଼େଇ⁣

ତାଳ ଗଛେ ଥାଇ କରୁ ବଢ଼େଇ⁣

ରଖୁନୁ ଘରେ,⁣

ଖାଇବାକୁ ଦାନା ବରଷା-ଝଡ଼େ ।l୭ l|⁣

ମୋର ଖୁଦତକ ନିଅଣ୍ଟ ମୋତେ⁣

ବରଷା ଦିନରେ ଦେବି କେମନ୍ତେ⁣

ନାହିଁରେ ନାହିଁ,⁣

ଖୁଦ ମୁଁ ନ ଦେବି ବାଇଚଢ଼େଇ"।l୮ll⁣

ଶୁଣି ମାଟି ତଳୁ ପିମ୍ପୁଡ଼ି କଥା⁣

ଚଢ଼େଇ ମନରେ ପାଇଲା ବ୍ୟଥା⁣

ଆସିଲା ଫେରି,⁣

ଖୋଜିଲା ଆହାର ନ କରି ଡେରି ।l୯ll⁣

ମନେ ମନେ ଭାବି ପିଲାଙ୍କ ଭୋକ⁣

ଘାସ-ପତରରୁ ଖୋଜିଲା ପୋକ⁣

ଥଣ୍ଟରେ ଧରି,⁣

ପୋକ ଦୁଇ ଗୋଟି ଗଲା ସେ ଉଡ଼ି ll୧୦ll⁣

ଛାଡ଼ିଗଲା ମେଘ ଆସିଲା ଶୀତ⁣

ପକ୍ଷୀ ଛୁଆ ବଢ଼ି ଗାଇଲେ ଗୀତ⁣

ବସାଟି ଦୋଳେ,⁣

ଦୋଳୁଥାନ୍ତି ଛୁଆ ବସାର କୋଳେ ll୧୧ll⁣

ନଈକୂଳେ ବରଗଛରେ ଯାଇ⁣

ବସିଥୁଲା ଦିନେ ବାଇଚଢ଼େଇ⁣

ଦେଖୁଲା ତଳେ, ।⁣

ପିମ୍ପୁଡ଼ି ଭାସୁଛି ନଈର ଜଳେ ।l୧୨ll⁣

ଚଢ଼େଇ କହିଲା, "ପିମ୍ପୁଡ଼ି ଭାଇ⁣

ଥୟ ଧର ଟିକେ, ଡରିବ ନାହିଁ⁣

ନିଅ ପତର,⁣

ଉଠି ବସି ରଖ ପ୍ରାଣ ତୁମର" ।l୧୩ll⁣

ଶୁଖୁଲା ପତର ଥଣ୍ଟରେ ଧରି⁣

ପକାଇଲା ଜଳେ ଚଞ୍ଚଳ କରି⁣

ନଈର ଜଳେ,⁣

ପତରର ଡଙ୍ଗା ପବନେ ଚଳେ ll୧୪ll⁣

ଡଙ୍ଗାରେ ବସିଲା ପିମ୍ପୁଡ଼ି ଯାଇ⁣

ଖୁସିରେ କହିଲା, "ବାଇଚଢେଇ!⁣

ରଖୁ ପ୍ରାଣ,⁣

ତୋ' ଲାଗି ପାଇଲି ନୂଆ ଜୀବନ ll୧୫ll⁣

କହିବି କି ଆଉ ଲାଜର କଥା !⁣

ଭାବିଲେ ମନରେ ଲାଗଇ ବ୍ୟଥା⁣

ବରଷା ଦିନେ,⁣

ଦେଇ ନାହିଁ ଖୁଦ ପଡୁଛି ମନେ" ll୧୬ll⁣

⁣